Instalación de imaxe DebianSCQ

1. Descarga de imaxe ISO

O ficheiro .ISO santiago_othar_64_stretch.iso proporcionado polo provedor pode descargase desde a seguinte URL:

https://drive.google.com/open?id=0BxXm1JEWaocgc3NHbGxPNThSZzg

2. Arranque de equipo con USB arrancable

Para poder crear un USB arrancable, executamos o seguinte comando:

dd if=/ruta/santiago_othar_64_stretch.iso of=/dev/sdX ; sync

NOTA: Detectouse que nos equipos de sobremesa empregados é necesario activar a interface de rede na BIOS.

3. Execución de ferramenta de clonado

Unha vez que iniciamos un equipo desde este USB aparece unha sesión de bash, na que executamos os seguintes comandos:

export efi=yes
export parting=yes
othar -f

A opción export parting=yes só será necesaria cando o disco do equipo non teña táboa de particións. Se xa tivo unha instalación, vaise conservar o directorio /home e /puppet. Deste xeito, vaise manter o certificado que está aprobado no servidor.

Se nos pide un hostname, escribimos o nome que aparece na etiqueta do equipo.

Este proceso executa a ferramenta partclone, e fai un copiado rápido de ficheiros. Unha vez finalizado, reiniciase o equipo.

4. Configuración de parámetros iniciais

4.1 Rede local

Chegados a este punto, debemos comprobar se temos configurada a rede:

ip a

En caso de non ter configurado enderezo IP na interface de rede (p.ex enp2s0f2), debemos executar o seguinte comando:

dhclient enp2s0f2

E, para que sexa permanente engadimos a seguinte liña no ficheiro /etc/network/interfaces:

[...]
auto enp2s0f2
iface enp2s0f2 inet dhcp

4.2 Hostname

No ficheiro /etc/hosts temos que modificar a entrada para que o nome do equipo apareza co seguinte formato:

scqxxxxpc.concello.santiagodecompostela.org

5. Execución de puppet

Agora, xa podemos usar o seguinte comando:

puppet agent -t

Se aparece unha mensaxe de erro do tipo 500 error - non response, executamos a orde anterior coa opción seguinte:

puppet agent -t --no-stringify_facts

NOTA: Hai que solicitar permiso ao provedor para que se poida acceder e descargar os ficheiros necesarios de Puppet.

Este proceso pode levar máis dunha hora, e aparecerán multitude de mensaxes por pantalla. Fixarse se sae algún de cor vermella. Os normais serán brancos ou verdes.

6. Resolución de erros

Se con este último paso non é suficiente para reiniciar a restauración, executaremos o seguinte comando:

apt-get update && apt-get install -y smartmontools puppet && killall sleep